kolefni eða kolvetni?

þetta er nú fyrir það fyrsta einhver sú hörmulegasta frétt sem maður hefur séð því það er ekkert í henni, þannig séð... no details, no nothing. Þegar maður þarf að vísa í vísi til að sýna betri útgáfu af þessari frétt, þá er þetta nú orðið slæmt

http://www.visir.is/article/20081208/VIDSKIPTI06/505606656

 

Svo finnst mér nú líka sérstakt að það sé alltíeinu verið að leita að kolvetnum, þ.e. carbohydrates, en ekki kolefni frekar (sem er nú samt ekki nákvæmt heldur).

Standardinn á sumum hverjum fréttum á mbl og vísi er alveg hörmulegur. Í sumum tilvikum spyr maður sig hvort viðkomandi hafi ekki einu sinni grunnskólamenntun, þvílík er hörmungin. Samt virðist nú prentútgáfan vera skömminni skárri... allavega ekkert sem öskrar á mann þar eins og á netmiðlinum....ég vorkenni bara prófarkalesaranum ef þeir fá efnið til sín eins og það er á netinu, þeir hafa þá nóg að gera....

Breyting: Fréttin hefur nú fengið nýtt og betra yfirbragð sem ofangreint á ekki lengur við. Þar að auki þá er það rétt notkun orðsins kolvetni í þessu samhengi, þó það hafi komið spánskt fyrir sjónir þ.e. kolvetni hefur verið notað (ranglega jafnvel) um sykrur. Ég þakka fyrir þær athugasemdir.

Olíuleit í Færeyjum

Athugasemdir

[Bjarki (IP-tala skráð) 8.12.2008 kl. 13:34]

Kolvetni í merkingunni hydrocarbons er rétt og er samheiti allt jarðefnaeldsneyti s.s. gas, olíu og kol. Hugtakið kolvetni er notað m.a. í lögum með þessum hætti. Það veldur misskilningi að í íslensku hafa carbohydrates líka verið kölluð kolvetni en það væri sennilega réttara að kalla það fyrirbrigði sykrur til að fyrirbyggja ruglning.

[Anna (IP-tala skráð) 8.12.2008 kl. 13:50]

Já, kolvetni er víst ekki gott að borða. Efnafræðingurinn á heimilinu vill miklu frekar kalla carbohydrates í matnum kolvötn eða sykrur. Mikil hreintungustefna þar á ferð og búið að ala úr mér notkun á orðinu kolvetni

[besservissinn, 8.12.2008 kl. 14:20]

kolvetni á auðvitað um eitthvað sem er úr kolefni og vetni, sem jarðefnaeldsneyti er auðvitað. Sykrur er líklegast mun betra orð yfir "kolvetni" eins og það hefur verið notað um carbohydrates.

sérkennilegt var það, fannst mér, að nota kolvetni um jarðefnaeldsneytið...en rétt engu að síður. Ég var þá einhverju nær við að lesa þessa frétt, sem er bara gott ...

[Afi gamli (IP-tala skráð) 9.12.2008 kl. 13:04]

Mikið hrikalega erum við Íslendignar lengi að drulla okkur til að fara að leita af olíu.  Það er búið að verað vitað síðan 1973 að hér við land væru setlög þar sem hugsanlega væri olíu að finna.  En ekkert hefur gerst í öll þessi ár fyrr en að loksins eigi að fara að gefa út olíuleitarleyfi sem fyrst komi til framkvæmda árið 2012!

Svo eiga náttúrulega hinir svokölluðu umhverfissinnar eftir að mótmæla þessu og kæra og heimta umhverfismats á þessu sem Þórunn mun fúslega láta eftir þeim og krefjast heildstæðs umhverfismats sem tæki svona 5-6 ár.

[besservissinn, 9.12.2008 kl. 13:14]

Já það er vonandi að það rætist úr olíudraumum íslendinga. Það er samt meiri ástæða til að vona að sá olíugróði fari þá ekki bara á fárra manna hendur (tengdra manna) vegna beinnar eða óbeinnar spillingar (óviðurkenndrar) eins og tíðkast hefur með aðrar auðlindir og fyrirtæki í eigu allra íslendinga. Þetta er kannski besti tíminn til að byrja á þessum bransa þegar íslendingar eru (vonandi) búnir að fá sig fullsadda af græðgi og spillingu fárra manna...