Davíð í fangelsi

Davíð Oddson á náttúrulega bara skilið að fara inná Litla Hraun og dúsa þar í góðan tíma. Minna má ekki vera fyrir að hafa komið þjóðinni á hausinn!

Þessi Glitnisatburðarrás er grundvallaratriði í öllu þessu samhengi og það er augljóst að dylgjur forkálfsins í pólitíska dvalarheimilinu Seðlabankanum, þó svo hann sé svo siðspilltur og vitlaus að hann geri sér ekki einu sinni grein fyrir því sjálfur, gerði það að verkum að hlutur sem var alveg krítískt að þyrfti að ganga rétt til verks við var framkvæmdur á kolrangan máta.

Það að bankamálaráðherrann hafi ekki verið hafður með í ráðum sýnir bara fáránleika málsins - og dugir eitt til þess að menn sem áttu nokkurn þátt í því eigi að segja af sér! Það þarf enga rannsókn til að sjá að Davíð átti að upplýsa hann, og því þarf enga rannsókn til að hann segi af sér fyrir afdrifarík mistök í starfi. Mistök hans í heild eru nú afdrifaríkari en það að það ætti ekki að vera neinn vafi um það að hann ætti best heima í fangelsi. Nú er ekki ljóst hvernig aðkoma Geirs var að þessu, en það er ljóst líka að hann hefði átt að upplýsa Björgin hið fyrsta. Hafi hann ekki gert það þá á hann að segja af sér líka - menn eiga að taka ábyrgð á því sem þeir gera ... þannig á það að vera og er á flestum ef ekki öllum siðmenntuðum stöðum í heiminum fyrir utan á Íslandi.

Það er kannski ekki skrítið að Björvin vilji ekki segja af sér fyrir mistök í starfi þegar hann var "out-of-the-loop" allan tímann...

Björgvin: Spurningarmerki við Glitnisatburðarás

Athugasemdir

[besservissinn, 6.12.2008 kl. 13:41]

klárlega. Það er kannski eðlilegra að sá sem olli "árekstrinum" beri ábyrgðina á undan þeim sem stóð á hliðarlínunni aðgerðarlaus, það er kannski það sem hann er að bíða eftir - en klárlega ber hann mikla ábyrgð og það sýnir mikla vanhæfni af hans hálfu að hreinlega hafa leyft einhverjum embættismanni að komast upp með svona framkomu og stjórnsemi. Auðvitað á hann að segja af sér eins og allir aðrir sem komu að þessu. En eðlilegast er samt að embættismaðurinn sem olli fjaðrafokinu sem rekinn með skömm áður en yfirmennirnir hans fjúka.

Skemmst er að minnast útvarpshrekkst á BBC. Fyrst var útvarpsmaðurinn rekinn en svo sögðu yfirmenn á BBC af sér í kjölfarið. Það væri óskandi að svona siðmenntun viðgengist á Íslandi ...

[Loftur Altice Þorsteinsson, 7.12.2008 kl. 23:06]

Sem áhugamaður um Dollaravæðingu ætti besservissinn að skoða eftirfarandi:

http://altice.blog.is/blog/altice/entry/731502/

[besservissinn, 8.12.2008 kl. 01:14]

kærar þakkir fyrir þetta félagi! Upptaka dollar finnst mér vera brýnasta verkefni núverandi ríkisstjórnar, og ég vona að þjóðin fari í auknu mæli að krefjast þess í stað evru og ESB...