mengunarlaust - eða hitt þó heldur

þetta er nú meira kjaftæðið.  Það virðist sem skilgreiningin á mengun sé bara orðin það að kolefni berist í andrúmsloftið. Menn reyna á köflum svo mikið að sleppa við andrúmsloftsmengun að þeir menga bara eitthvað annað í staðinn, og halda því fram að það sé mengunarlaust. Í dag er þetta skilgreiningaratriði, sem gerir það að verkum að t.d. jarðvarmavirkjanir á Íslandi eyða miklu púðri í það að dæla aftur niður öllum þessum koltvísýring, eða kolefni í hvaða formi sem það er, sem kemur uppúr þessum borholum til þess að fá það skilgreint að virkjunin mengi lítið sem ekkert - og sé "umhverfisvæn". Jarðeðlisfræðingar hafa varað mikið við þessum æfingum, og benda á að þessi niðurdæling eigi eftir að valda risavöxnum hellum neðanjarðar. Þannig er verið að eyðileggja svæðið umhverfis virkjanirnar, eins og um þessa hrein-kola virkjun - og dirfast um leið að kalla þetta mengunarlaust!

Það gleymist líka svolítið í umræðunni hversu mikið af kolefnunum í andrúmsloftinu eiga uppruna sinn frá náttúrulegri uppgufun úr jörðinni. Það er töluvert, og alveg örugglega töluvert meira á svæðum þar sem er verið að dæla kolefnasamböndum í miklu mæli niður í jörðina.

Ef menn vilja búa til orku mengunarlaust þá þarf það að vera þannig í alvörunni, ekki bara samkvæmt einhverri skilgreiningu að það teljist ekki mengun ef kolefnunum ef dælt neðanjarðar í staðinn fyrir að leyfa þeim fara í andrúmsloftið. 

Kolaiðnaður á krossgötum

Athugasemdir

[Ásgrímur Hartmannsson, 5.5.2008 kl. 13:40]

Nú, þú hefur tekið eftir þessu líka?

[Benjamín Plaggenborg, 5.5.2008 kl. 21:01]

Ástæðan fyrir að kolefni teljast mengandi eru áhrif koltvíildis í andrúmsloftinu. Sé því dælt í jörðina þá er það ekki í andrúmsloftinu, og þótt ég viti ekki hvaða "uppgufun" kolefnis þú átt við reikna ég með að hún sé valdin af "útblæstri" planta. Eins og kom fram í fréttinni binst kolsýrlingurinn jarðveginum, því kemur uppgufun hans ekki til greina.

Ég er þó sammála því að það hljóti að vera til betri aðferð til vetnisvinnslu en með eitur og kolefnissambönd sem úrgangsefni.

[besservissinn, 5.5.2008 kl. 21:27]

CO2 gufar náttúrulega upp úr jörðinni, úr jarðveg þar sem hann hefur verið "bundinn" í. Svo hefði maður haldið að þú vissir að plöntur vinna koldíoxíð og breyta því í flóknari kolefnissambönd, s.s. sykrur, en blása því ekki út - svo, nei, ég var ekki og hefði ekki getað átt við útblástur koldíoxíðs frá plöntum....

[Ragnar Fletcher Markan, 6.5.2008 kl. 05:13]

"Jarðeðlisfræðingar hafa varað mikið við þessum æfingum, og benda á að þessi niðurdæling eigi eftir að valda risavöxnum hellum neðanjarðar."

 Ertu að gefa í skyn að koltvísýrungur gangi í efnasamband við bergið og moli það niður? Á hvaða tímaskala þá, 10 árum? 100? Þegar þú dælir gasi niður í jarðskorpuna þá gerist ekkert, það er alveg ógrynni af gasi- koltvísýringur meðtalinn, í jarðlögum um alla jörð. Það tæki koltvísýring þúsundir ára á mola niður berg.

Máli mínu til stuðnings nefni ég þessar greinar sem og kunnáttu í efnafræði á háskólastigi og rannsóknarverkefni á mögulegum lausnum í baráttu við hlýnun lofthjúps jarðar. Þú getur fengið eintak sent með tölvupósti, en þetta er enn sem komið er bara til á sænsku, þú afsakar það herra Besserwisser.

Kauppi, P. et al. (2001). (Rafrænt), Technological and economic potential
of options to enhance, maintain and manage biological carbon reserves and geo-
engineering, i: Climate Change 2001: Working Group III: Mitigation.
PDF-format. Aðgengilegt: <http://www.grida.no/climate/ipcc_tar/wg3/pdf/
4.pdf>

Lindeberg, E. (2003). The quality of a CO2 repository: what is the suficient
retetion time of CO2 stored underground. Greenhouse Gas Control Technologies,
vol. 1: 1, ss. 255-66

Metz, B. et al. (2005). (Rafrænt), Transport of CO2 , i: IPCC Special Report
on Carbon Dioxide Capture and Storage. Prepared by Working Group III of the
Intergovernmental Panel on Climate Change.
PDF-format. Aðgengilegt: <http://www.ipcc.ch/pdf/special-reports/srccs/
srccs_wholereport.pdf>
 

[besservissinn, 6.5.2008 kl. 11:05]

afsaka ef ég hef snert einhverja viðkvæma bletti hjá sumum... Ég var bara að endurtaka það sem ég hef heyrt, að jarðfræðingar eða jarðeðlisfræðingar vara við risavöxnum hellum þar sem niðurdæling á sér stað. Jújú það er nóg af þessum gösum og efnasamböndum neðanjarðar, en það er ekki þar með sagt að niðurdæling á þessum efnum valdi sömu áhrifum og þegar þau eru eru þar náttúrulega. Þrýstingur hefði maður t.d. haldið að væri mikilvægur parameter, en hvað veit ég....ég er ekki jarðeðlisfræðingur...