góðar fréttir

Það hljómar svolítið skringilega að HD-DVD ætli að játa ósigur gagnvart blu-ray opinberlega, en þar sem þeir eru að stórtapa á þessu þá er það kannski eðlilegt. Held reyndar að það hafi ekki verið neitt brjálæðislega mikill munur á sölutölum HD-DVD og Blu-Ray mynda sem slíkra, munurinn sé að mestu í sölutölum á spilurum. Playstation 3 ræður þar náttúrulega mestu fyrir Blu-Ray, þar sem rúmar 10 miljónir tölva með Blu-Ray spilara hafa selst í heiminum, ásamt einhverjum slatta af standalone Blu-Ray spilurum. Hinsvegar hafa aðeins í heildina tæplega 1 miljón HD-DVD spilara selst í heiminum. Sigurinn var því kannski svo gott sem unninn þegar ljóst var að t.d. microsoft ætlaði ekki að hafa HD-DVD spilara standard í Xbox360. Hægt er að kaupa aukalega HD-DVD spilara fyrir xbox360, en þær sölutölur eru innifaldar í þessari 1 miljón. Það að Blu-Ray sé að vinna þetta hlýtur að vera mikill sigur fyrir Sony, og Playstation 3, því það er alveg ljóst að Sony er búið að eyða gríðarlegum fjármunum í að koma þessum staðli á markaðinn. Hver PS3 tölva kostaði t.a.m. 800$ í framleiðslu en var seld á 500$  fyrst þegar þær komu á markað. Þó kostnaðurinn hafi lækkað um helming í dag, 400$ á vél, þá er nokkuð ljóst að Sony er enn að tapa á hverri vél sem er framleidd þó hún sé seld á svipuðu verði. Leikirnir að vísu skila inn einhverjum hagnaði þar á móti, en vinna ósennilega upp allt tapið.

Fyrir notandann eru þetta góðar fréttir, því ég tel að samkeppni á þessum markaði hafi hingað til haldið uppi verðinu á bæði diskum og spilurum.   Þegar ljóst er hvaða staðall fyrir næstu kynslóð dvd diska er ofan á getur fólk hætt að lifa í óvissu og þorir að skella sér á næstu kynslóðar dvd spilara. Salan á Blu-Ray mynddiskum hlýtur þar af leiðandi að aukast sem hlýtur að lækka verðið á þeim niður í ásættanlegt verð fyrir DVD mynd. Tími næstu kynslóðar dvd spilara er klárlega kominn, vegna gríðarlegrar útbreiðslu HD-ready (720p) og Full-HD (1080p) LCD sjónvarpa sem hafa gæði langt framyfir hinn venjulega gamaldags DVD disk.

Hvítt flagg hjá HD-DVD?

Athugasemdir

[Villi Asgeirsson, 18.2.2008 kl. 07:35]

Sammála. Maður getur loksins farið að íhuga framtíðina og kannski setja eigin afurðir á disk. Ég er með 720p og 1080p útgáfur af nýju stuttmyndinni í tölvunni, en enga góða leið til að koma henni til almennings.