eitt meiriháttar samsæri...

ef þeir eru sekir um eitthvað þessir menn þá er það sennilega ekki fyrir að vera ábyrgir fyrir árásunum 11 sept. Fyrir mér, sem verkfræðimenntuðum manni, er það alveg ljóst að það voru t.d. ekki flugvélarnar einar og sér sem grönduðu turnunum 2. Þeir voru hannaðir til að standast marga árekstra við flugvélar í svipaðri stærð og lentu á turnunum 11 sept. Flestir hafa getað sætt sig við að þeir hafi fallið því eldsneytið úr flugvélunum hafi brunnið á svo gríðarháum hita að það hafi brætt eða veikt stálið þannig þeir féllu til jarðar. Hinsvegar er ljóst að eldsneytið úr vélunum brann upp á fyrstu sekúndum árekstranna, og hitinn eftir það hafi einungis verið frá bruna blaða og annars skrifstofubúnaðs, sem brenna við lágan hita.  Enda  var hitinn ekki meiri en það  að slökkviliðsmenn gátu unnið við að slökkva eld á þeim hæðum sem flugvélarnar lentu, um það bil sem turnarnir féllu. Jafnvel þó hæðarnar í kringum áreksturinn hefðu fallið saman, þannig að efri hluti bygginganna hafi fallið á hæðarnar fyrir neðan í free-fall hraða, þá hefur verið sýnt fram á það með klassískri eðlisfræði að enn væri skortur á orku til að hæðarnar fyrir neðan féllu við þetta saman. Óskiljanlegt er ennfremur hvernig byggingin sem heild gat fallið niður á free-fall hraða, eða á um 10 sek, eins og hæðarnar fyrir neðan gæfu enga mótstöðu (þegar þær ættu í raun að gefa það mikla mótstöðu að hrunið myndi stoppa). Til að byggingarnar hefðu mátt falla niður eins og þær gerðu, saman í eigin grunn án mótstöðu eins og byggingar hefðu verið sprengdar niður af atvinnumönnum, hefði þurft að sprengja (skera sundur á ská með sprengju) flesta ef ekki alla uppistöðubitana sem voru staðsettir í miðjum byggingunum á mörgum hæðum. Ég tel alveg ljóst að svo hafi verið gert, en hverjir stóðu að baki því skal ég ekki segja. Kannski voru það "al-qaeda" að verki bakvið tjöldin,  kannski eigandi byggingarinnar (sem var ný búinn að leigja turnana og kaupa tryggingu uppá nokkra miljarða dollara) eða kannski var það bush-stjórnin að búa til ástæðu til að fara í stríð. Ef einhver hefur horft á Fahrenheit 911, þar sem bent var á þau sterku tengsl Bush við osama bin-laden eða al-qaeda, þá myndi hann kannski fyrst giska á síðustu uppástunguna...

Ég er ekki mikið fyrir samsæriskenningar, þær tvær sem ég álít líklegar eru morðið á JFK og þessi hér fyrir ofan. Það er eflaust hægt að finna rökstuðning bæði með og á móti þessu samsæri, bæði fyrirfinnst á youtube sem ég mæli með að fólk kynni sér...

Sex verði ákærðir fyrir árásirnar 11. september

Athugasemdir

[FLÓTTAMAÐURINN, 11.2.2008 kl. 18:51]

Fahrenheit 911 fer mjög grunnt ofaní þetta samsæri. Skoðaðu myndbandið sem ég er með á minni síðu, það er nr1 af 18 myndböndum um hvernig þetta getur ekki hafa gerst eins og Bandaríkjastjórn vill að við höldum.

[besservissinn, 11.2.2008 kl. 20:38]

já það er merkilegt að fólk skuli ekki einu sinni átta sig á fáránleikanum í setningum eins og beint úr þessari frétt "Mohammed al-Qahtani sem er talinn hafa verið einn flugræningjanna í árásunum.". Ég man ekki eftir því að það hafi verið nein flugvél sem átti að hafa hætt við, tvær þeirra jú lentu á turnunum, ein á pentagon og ein átti að hafa brotlent eða verið skotin niður. Ekki átti neinn að hafa komist lífs af þess þá heldur úr þessum vélum, þannig hvernig er hægt að réttlæta það að maðurinn eigi að hafa verið einn flugræningjanna? Sumt fólk virðist bara vera með slökkt á heilasellunum og trúir öllu því sem bandaríkjastjórn lýgur ofaní það. Ekki það að ég álasi það fólk .... ég var klárlega í þeim hópi fyrir einhverjum árum. Þetta er bara spurning um að opna augun, og hætta að taka öllum fréttum bandarískra fjölmiðla/stjórnvalda sem heilögum sannleik...

[Bjarki (IP-tala skráð) 11.2.2008 kl. 21:57]

Valdamikil öfl innan US (jafnvel að einhverju leiti utan US) En samt sem áður óframkvæmanlegt án þáttöku (allavega vitneskju) US stjórnvalda (a.m.k.  hluta þeirra.

 Mögnuð 20. mín mynd hér um þróunina í US: The Secret Government

http://www.youtube.com/watch?v=_sstDwKTCpM

[Björn Heiðdal, 11.2.2008 kl. 22:39]

Verði þinn vilji svo á jörðu sem á himni.

[besservissinn, 12.2.2008 kl. 14:29]

nei ætli það sé þá ekki austar en það ... manni dettur t.d. sádi arabía fljótt í hug