sekúndubrot?

þó að strangt til tekið sé sekúndubrot einhver óákveðinn hluti úr sekúndu þá hefur nú tíðkast að þegar sekúndubrot er notað um ákveðið hlutfall úr sekúndu sé það 1/100 úr sek en ekki 1/10 úr sek eins og moggamenn vilja meina í þessari frétt, og reyndar í formúlufréttum undanfarinna ára. Að sekúndubrot eigi við um 1/100 úr sek á sér e.t.v. uppruna í því að flestar skeiðklukkur sýndu 2 aukastafi, þ.e. hafa upplausn uppá 1/100 úr sek. Upplausn í tímamælingum í formúlu 1 er 1/1000 úr sek, svo það hefði verið skiljanlegra ef moggamenn hefðu ákveðið að nota það um sekúndubrot, svo að nota sekúndubrot yfir 1/10 úr sek hlýtur bara að vera misskilningur af þeirra hálfu.

 Raikkonen virðist ætla að vera sjóðandi heitur fyrir næsta tímabil. Maður trúir varla þessum tímum sem maðurinn er að ná á þessari braut, hreint ótrúlegt. Að því að ég best gat skilið þá var hann að herma kappakstur, s.s. keyrði brautina eins um keppni hefði verið að ræða með bensínhléum og alles, en ekki á tómum bíl að taka tímatökuhringi. Besti tíminn í einstökum hring var þannig 1:30:455, en til að setja þetta í samhengi var besti tíminn í kappakstrinum í fyrra 1:34.067, eða nálægt 3.5 sek hægari en nú, og besti tíminn í öllum þremur lotum tímatökunnar í fyrra var 1:31.359, eða rúmlega 0.9 sek hægari en núna.

 Af hverju er þetta merkilegt? Fyrir það fyrsta er búið að banna öll  "driver-aid" með því að  samræma rafeindastýringu bílanna, þannig að nú er engin gripstýring sem gerir hlutina t.d. mjög erfiða þegar koma á 900 hestöflum niður í malbikið þegar bílarnir koma úr beyjum. Í öðru lagi hefur vélin heldur ekkert breyst þannig það er ekki aukið afl sem skýrir þetta.

Ég man að í fyrra þá æfði ferrari líka á þessari braut líkt og núna, og þrátt fyrir að setja góða tíma þá voru tímarnir í keppninni sjálfri mánuði seinna töluvert betri, sem er eðlilegt ef tekið er mið af því að veggripið eykst vanalega um keppnishelgar þegar gúmmíið er búið að setjast. Þar að auki var töluvert um bilanir í þessari sömu æfingu í fyrra, en ekkert svoleiðis virðist hafa komið uppá núna.

Maður veltir fyrir sér hvort ferrari hafi ekki verið að sýna rétt andlit í undanförnum bílprófunum með öðrum liðum, þar sem þeir voru ekkert mjög svo sannfærandi.  

Räikkönen í öðru sólkerfi

Athugasemdir

[Ágúst Ásgeirsson, 6.2.2008 kl. 22:31]

Það var talað um sekúndubrot sem 1/10 úr sekúndu áratugum saman áður en farið var að mæla tíma í íþróttum með tveimur eða þaðan af fleiri aukastöfum. Því er þetta gömul málvenja; að brot úr sekúndu sé tíundi partur úr sekúndu en ekki eitthvað annað, eins og þú vilt meina.

Í áratugi hef ég skrifað fréttir með þessum hætti, og þú ert sá fyrsti sem gerir athugasemdir við þetta. Þess vegna tala ég líka, þegar það á við, um hundruðustu eða þúsundustu úr sekúndu. Það verður maður að gera til aðgreiningar vegna aukinnar nákvæmni í tímamælingum í íþróttum í seinni tíð.

Það er tiltölulega stutt síðan að farið var að taka tíma á skeiðklukkur með tveimur aukastöfum, þ.e. niður í hundraðasta úr sekúndu. Sá mælingarháttur var eiginlega ekki tekinn upp að ráði fyrr en með tilkomu rafmagnstímatöku. Og varð líklega ekki algengur fyrr í íþróttum almennt fyrr en á áttunda og níunda áratugnum, þ.e. fyrir 20-30 árum.

Þakka þér annars fyrir þessa athugasemd, það er gott að fá ábendingar sem þessar. Það skerpir á mönnum og vekur til umhugsunar um mál sem þetta og það er af hinu góða.

Svo tek ég undir með þér varðandi skýringar þínar á þessum miklu framförum Ferraribílsins frá í fyrra. Þeir töldu loftafl hans ekki nægilega gott í fyrra, þ.e.  vængpressu og skilvirkni loftflæðis um skelina. Mér sýnist augljóst að Ferrarimönnum hafi tekist að bæta mjög úr því, en tæknimenn í formúlunni eru á því að straumfræði bílanna skipti langmestu um getu þeirra. Þar við bætist jafnvægisdreifing og svo vitaskuld veggrip.

[besservissinn, 6.2.2008 kl. 23:22]

Það kom mér þó nokkuð á óvart, áður en ég skrifaði færsluna, að orðið sekúndubrot væri ekki að finna í orðabókinni minni, og gerði mér þar með grein fyrir því að merking sekúndubrots væri e.t.v. bara háð málvenju. Í mínum eyrum hefur sekúndubrot alltaf verið ýmist 1/100 úr sek eða óákveðið brot úr sek, eftir samhengi, en aldrei 1/10 úr sek. Ég hefði haldið að það væri allavega algengari málvenja að nota sekúndubrot um 1/100 úr sek, og leit á netinu rökstuddi það. T.a.m. segir í þessu skjali frá námsgagnastofnun http://www.nams.is/geisli/sund_klb.pdf skýrt og greinilega að sekúndubrot sé 1/100 úr sek, en það var svosem ekki  margt annað haldbært að finna. Notkun sekúndubrots um ákveðna tímaeiningu er allavega ekki réttlát ef þessi ákveðna tímaeining er ekki allstaðar eins.

Varðandi ferrari þá er ljóst að þeir hafa bætt bílinn töluvert, en jafnvel ég sem ferrari maður vona að þeir hafi ekki náð að bæta hann jafnmikið og fyrir árin 2002 og 2004...

[Gulli (IP-tala skráð) 9.2.2008 kl. 09:38]

Smá leiðrétting með tímana.

Besti tími sem náðst hefur í prófunum í Barein á Massa. 1.29.989 sett seint í febrúar 2007, held samt að brautarmetið sé 1.29.848 sett af Alonso 2005. En það er varla sambærilegt vegna breytinga sem hafa orðið síðan þá.

Þó svo Ferrari virðist sterkir núna ættum við ekki að dæma of fljótt. Við vitum að McLaren er sterkt líka en vitum til ekki hverju nýi W-laga vængurinn hjá Renault kemur til með að skila. Williams gætu verið að þróa eitthvað svipað samkvæmt sögusögnum.

http://www.marca.com/edicion/marca/motor/formula1/es/desarrollo/1087003.html

[besservissinn, 10.2.2008 kl. 20:16]

já það er rétt hjá þér, fyrir utan það að þessi tími hans massa var settur 1 mars í fyrra. Voðalega er skrítið að kalla þetta unofficial brautarmet ef það hafa nást mun betri tímar þarna en þetta, sér í lagi síðast í fyrra. Mér finnst bara kolrangt a segja að í hvert sinn sem betri tími næst en official brautarmetið að þá sé verið að setja nýtt unofficial brautarmet, jafnvel þó að betra unoffical brautarmet sé til.

Já það er alltof fljótt að dæma um hvort ferrari verði sterkastir þegar í keppnirnar kemur, en það virðist vera ljóst að miklar framfarir hafa átt sér stað frá því í fyrra, sérstaklega þegar tekið er tillit til þess að öll driver-aid hafa verið bönnuð. Spurningin er bara hjá hverjum framfarirnar hafi verið mestar..